Бул тууралуу “Азаттыкка” “Ошгаз” башкармалыгынын жетекчиси Маматкалык Аматов билдирди. Өзбекстанда газ кууру кырсыкка учурап Оштун Кара-Суу району менен Ош шаарынын “Амир Темир” кичи району үч күндөн бери газсыз калган. 15-декабрда түнү Кыргызстандын газга болгон карызы үчүн расмий Ташкент Жалал-Абатка көгүлтүр отун берүүнү токтоткон. Ал арада “Кыргызгаз” Өзбекстанга карыздан толук кутулганын кабарлады. Аталган ишкананын жетекчилери эмдиги жылга газ сатып алууну сүйлөшкөнү 20-декабрда Өзбекстанга жөнөп кетишмекчи. (EBM)
