"Чек арасыз дарыгерлер" эл аралык уюму (MSF) Түркмөнстандагы ишмердүүлүгүн токтотту. Уюмдун башкы директору Франк Дөрнердин ырастоосунда, өлкөнүн медициналык тармагы жардамга муктаж, Түркмөнстанда өзгөчө кургак учуктун дары-дармекке туруштук берген түрү менен ооругандардын саны өсүүдө. Бирок өкмөт бул илдеттен жабыркагандарга жардам берүү боюнча уюмдун 2 сунушун четке какты. Чегерасыз дарыгерлер уюму эми Түркмөнстанда бир да эларалык гуманитардык топ калган жок деп белгиледи.
