19-декабрда Талас медиа борборунда журналисттердин укуктары жана просоюз түзүү маселелерине арналган жыйын өттү. Анда мамлекеттик гезиттерде жана сыналгы-үналгыларда иштеген журналист менен жумуш берүүчүнүн ортосунда келишим түзүлбөй, журналисттин укуктары жетекчилик тарабынан көп учурда тебеленгени, журналисттердин көбү айлык акыларын өз учурунда алышпаганы жана дем алыш күндөрү да акысыз иштеген учурлар көп кездешери тууралуу кеңири сөз болду. Жыйынга Бишкектен барган медиа өкүл Марат Токоев жана юрист Нурлан Акматов катышып, бул маселелерди чечүү үчүн облустук журналисттер профсоюзун түзүү зарыл экенин сунуштап, юридикалык кеңештерин беришти. (UA)
