Орусия президенти Дмитрий Медведев бүгүн Орусиянын мамлекеттик телеканалдарына интервью берип, жыл жыйынтыгын чыгарды. Ал мисалы, өзөктүк куралдар темасына токтолуп, ал тууралу жаңы келишим боюнча Кошмо Штаттары менен айрым тактачу маселелер бар экенин, бирок келечекте бир мунасага келебиз го деген оптимисттик оюн айтты. Ал, ошондой эле, өзөктүк куралдар боюнча Орусия мындан ары да иштей берерин билдирип, жакынкы 10 жылда анын жаңы түрүн чыгаруу болжонуп жатканын кошумчалады.
