Пакистанда кармалган америкалык 5 жаран теракт пландашкан деген айыпты четке кагышты. Алар декабрдын башында Сардогха шаарында исламчыл согушкер топтор менен байланыш түзүүгө аракеттенген деген шек менен кармалышкан. Адвокаттардын айтымында, бүгүнкү сотто америкалыктар Ал-Кайида же башка согушкер топтор менен байланышканын моюнга алышкан жок. Алар Ооганстандагы "боордош мусулмандарга" жардам берүүнү көздөшкөнүн айтышты. Сот терроризм беренеси боюнча айып тагуу үчүн полицияга 2 жума берди.