АКШ президенти Барак Обама бүгүн коопсуздук маселелерин талкууламакчы. Чалгындоо, ички иштер, терроризмге каршы күрөшүү мекемелеринин жетекчилери катыша турган жыйында Обама ыктымал теракттарды алдын-алуу чараларын реформалоого токтолот деп күтүлүүдө. 25-декабрда Нигериянын жараны Амстердам-Детройт багытындагы учакты жардырууга аракеттенгенден кийин АКШ бийлиги коопсуздук чараларын күчөттү. 4-январда Вашингтон 14 өлкөдөн келген жүргүнчүлөр кошумча текшерүүдөн өткөрүлүп тураарын жарыялады.
