Иран президенти Махмуд Ахмадинежад бүгүн Ашгабадга барды. Визиттин жүрүшүндө ал Түркмөнстан-Иран газ куурунун ачылыш аземине катышмакчы. Түтүк Түркмөнстандын Даулетабад шаарындагы кен менен Ирандын Сарах чөлкөмүн байланыштырат. Расмий маалыматка ылайык, ал адегенде жылына 6 миллиард куб метр газ ташып турмакчы. Түркмөн газын Иранга экспорттогон алгачкы куур 1997-жылы ачылган.
