Бириккен улуттар уюмунун Кабулдагы атайын өкүлү Кошмо Штаттарын жана Батыш мамлекеттерин бул мамлекетке кошумча аскер күчтөрүн алып келүү менен, Ооганстандагы эл турмушун оңдоону унутпоого чакырды. Улуттар уюмунун Коопсуздук жыйынында сүйлөгөн Кай Эйде оогандыктардын жай турмушун жакшыртуу максатындагы саясий стратегиялык иштерди тездетүүгө чакырды. Ал согуштан кийинки эл турмушун көтөрүп, талиптерге каршы күрөштү эртелеп аягына чыгарууну айтты. АКШ жакында Ооганстанга кошумча 30 миң аскер киргизүънү убада кылган болчу.
