Аталган бейөкмөт уюм өлкөдөгү аскер кызматкерлерине кайрылып билдирүү таратты. Анда алардын кесиптеши, мурдагы коргоо министри Исмаил Исаковго сот саясий, мыйзамсыз чечим чыгарганы баса белгиленген. Кайрылууда тилектештик көрсөтүү өтүнүчү айтылып, мурдагы коргоо министринин атын сактап калуу үчүн моралдык колдоо керектиги билдирилген. 11-январда Бишкек гарнизондук соту мурдагы коргоо министрин сегиз жылга эркинен ажыраткан. Өлкөдөгү оппозициялык күчтөр бул чечимди саясий буйрук деп баалап жатышат. Расмий бийлик болсо мындай дооматтарды четке кагууда. (EBM)
