Ирандын маалымат каражаттары түндүк-батыштагы Хой шаарынын прокурору ок жеп каза болгонун кабарлашты. ИРНА агенттиги полициянын маалыматына таянып жазганына караганда, Вали Хажж Голизадехти белгисиз бирөөлөр үйнүнүн жанынан атып кетишкен. Хой – Ирандын азерилер менен күрт азчылыктары байырлаган чөлкөмүндө жайгашкан. Мындан бир жума мурун Тегеранда окумуштуу-физик киши колдуу болуп өлгөн.
