Түркия, Ооганстан жана Пакистандын мамлекет башчылары Стамбулда жолугушуп жатышат. Ооганстан менен Пакистан ортосундагы мамилелер акыркы мезгилде солгундай түшкөн. Кабул Пакистандын жашыруун кызматтары Талибанга көмөктөшөт деп шектенет. Ооган президенти Хамид Карзай Пакистан президенти Асиф Али Зардари менен эки тараптуу сүйлөшүү өткөрүп, кийин аларга Түрк мамлекет башчысы Абдулла Гүл кошулмакчы. Шейшембиде Түркияда Ооганстан коңшуларынын жыйыны башталууда.
