Президент Курманбек Бакиев Өнүктүрүү Фондунун Байкоочулар кеңешинин курамын бекитти. Жардыкка ылайык байкоочулар кеңеши он бир кишиден туруп, ага УТРКнын мурдагы башчысы Мелис Эшимканов төрагалык кылат. Төраганын орун басарлыгына коммунист-депутат Искак Масалиев дайындалды. Өнүктүрүү фонду өлкөнүн экономикасынын стратегиялык жана артыкчылыктуу багыттарын өнүктүрүүгө колдоо көрсөтүү максаты менен 2007-жылы, байкоочулар кеңеши болсо 2009-жылы түзүлгөн. Өнүктүрүү фондун учурда мурдагы премьер министр Игорь Чудинов жетектейт. (BuS)