Апта көз ирмемдери: 23-29-январь (ZMa)
1
23-январда Сербиянын православ чиркөөсүнүн жаңы патриархы, эпископ Ириней Белградда кызматына киришти.
2
24-январда Ирандын түндүк-чыгышындагы Мешхед аэропортунда учак кырсыкка учурап, бери дегенде 46 киши мерт кетти.
3
Сүрөттө: Ишчи Киевде президенттикке талапкер Виктор Януковичтин сүрөтүн айрып жатат. - Янукович 7-февралда өкмөт башчы Юлия Тимошенко менен экинчи айлампада атаандашат.
4
25-январда Багдадда “Палестина” аттуу мейманканада үч жерден бомба жарылды.
5
26-январда Индиянын республика болуп негизделишинин 60 жылдыгы белгиленди.
6
27-январда Польшада нацисттердин эң ири Освенцим концлагеринин бошотулганынын 65 жылдыгы белгиленди. Миллиондогон элди газ менен кырган фашисттик режимдин курмандыктарын эскерүүгө концлагердин аман калган туткундары, советтик ветерандар, саясий лидерлер чогулушту.
7
Ооганстандын Герат вилайетиндеги Гүзара районунда аскердик операция өттү.
8
28-январда Лондондо Ооганстандын келечегине арналган конференция өттү. 70тей өлкөнүн жана эл аралык уюмдардын жогорку даражалуу өкүлдөрү коалиция күчтөрүн чыгаруунун мөөнөтүн тактоо, терроризмден баш тарткан козголоңчуларды Ооганстандын коомдук турмушуна аралаштыруу маселесин талкуулашты.Бул күнү айрым оогандар Карзайга каршы нааразылык акциясын өткөрүштү.
9
Сүрөттө: Москвадагы мигранттар.
10
Косовонун Приштина шаарына калың кар түштү.