Ооганстан президенти Хамид Карзай бүгүн сауди падышасы Абдулла менен жолугат деп күтүлүүдө. Президент Карзай талиптерге боор тарткан Саударабстандан талиптердин курал таштоосу үчүн арачылык жардам кылууну көптөн бери сурап келатат. Өткөн аптада Карзайдын сабырдуу (байистүү) талиптер менен элдешүү планы Батыштын колдоосуна ээ болгон. Анын аралыгында, Америка Кошмо Штаттары жазга карата Ооганстанда кошумча 18 миң аскер жайгаштыраарын бышыктады.
