“ЭлТРдин” баш директору Нурлан Шакиевдин бүгүн “Азаттыка” билдирүүсүнө караганда, “ЭлТР” каналы 2-февралдан тарта “Түрксат” аркылуу Евразия континентине чыга баштады. Жасалма жандооч (спутник) аркылуу бериле баштаган “ЭлТРдин” программаларын Түркия, Россия, Кытай, Казакстан, Кореяда көрүүгө мүмкүнчүлүк ачылды. “ЭлТРдин” жетекчиси өткөн жылы Түркиянын ТРТ каналы менен келишимге жетишип, мына ошонун негизинде жаңы мүмкүнчүлүктөр ачылууда. ТРТ каналы гранттык негизде 5 млн. сомдук жабдууну “ЭлТРге” орнотуп берген.(AiT)
