Батыш Индиядагы кафеде бомба жарылганда 9 киши каза таап, 60ка чукулу жараат алды. Кечээки кол салуудан кийин хинду улутчулары Пакистан менен жаңы тынчтык сүйлөшүүсүн токтотууну талап кылышты. Пун шаарындагы каргаша 2008-жылдагы Мумбайдагы кыргындан кийинки биринчи ири террордук чабуул болуп калды. Индиянын Тышкы иштер министри Кришна оппозициянын талабына пикирин билдирүүдөн мурда адистердин бүтүмүн күтөөрүн билдирди.
