15 миңдей америкалык, британ жана ооган аскерлери түштүктөгү Хелманд дубанындагы Маржа шаарына чабуулга кечээ өтүп, дээрлик каршылык болгон эмес эле. Коалиция өкүлдөрү азырынча согуштун жүрүшү ойдогудай экендигин билдиришти. НАТОго ылайык, кечээ күнү бир америкалык, бир британ аскери окко учту, ал эми ооган бийликтери 20 талип жок кылынганын кабарлады. Талиптер артында калтырып кеткен бомбалар жана ар кандай тузактар коалициялык аскерлердин алгалашын жайлатууда.
