Түндүк Кореяда Ким Чен Ирдин туулган күнү белгиленүүдө. 68 жаштагы Ким Чен Ир атасынын ордун басып, өлкөнү 16 жылдан бери башкарып келатат. 2008-жылы мээсине кан куюлгандан кийин анын саламаттыгы кескин начарлады. Айрым маалыматтарга караганда, Ким Чен Ир бийликти кичүү уулуна өткөрүп берүүгө даярданууда. Жогорку Элдик жыйындын төрагасы Ким Ен Нам салтанаттуу жыйында сүйлөп, АКШ жана Түштүк Корея менен мамилелерди оңдоо керектигин баса белгиледи.
