ЖК депутаты Алмазбек Каримов Баткен облусун мисал келтирип, облус борбору менен Кызыл-Кыя шаарынын ортосу 7 сааттык жолдугун белгиледи. Анын айтууснуда укугу тебеленген киши Акыйкатчынын өкүлүн издеп 7 сааттык жол басып, облус борборуна барбайт. Бул болсо өз учурунда жер-жерлерде адам укуктарынын бузулушун арбытат дейт депутат. Акыйкатчы бул маселени карап көрүүгө убада берди, анын маалыматы боюнча учурда аймактарда жана Орусиянын айрым шаарларында адамдар Акыйкатчы институту үчүн волонтер болуп иштеп берүүгө даярдыгын билдиришкен. Алардын айрымдары менен кызматташып жатабыз дейт Турсунбек Акун.(ZKo)
