БЭКтин мүчөсү Эмил Каптагаевдин “Азаттыкка” билдиргенине караганда бүгүн кечке жуук уюштуруу комитети чогулуп, 17-мартка белгиленген Элдик курултайды уюштуруу тартибин талкууламакчы. Жыйынга оппозиция өкүлдөрүнөн тышкары элдик курултайга катышуу ниети бар башка коомдук-саясий күчтөрдүн, жарандык коомдордун өкүлдөрү да чакырылууда. Ишемби күнү БЭКтин Улуттук Кеңеши саясий бюронун элдик курултай өткөрүү демилгесин колдоп, аны уюштурууну уюштуруу комитетине тапшырган. Уюштуруу комитетинин башында СДП партиясынын төрага орун басары, парламенттеги фракция лидери Роза Отунбаева турат. (BuS)
