Башкы прокуратура тараткан маалыматка караганда оор илдет чалды деген шылтоо менен соттолгондорду камактан бошотту деп шектелгендердин бири Кара-Суу райондук сотунун мурдагы төрагасы Турдубек Суранбаев Ош шаарындагы убактылуу кармоочу жайга 24-февралда камалды. Башкы прокуратура буга чейин Кара-Суу райондук сотунда иштеп жаткан үч судьяга жана райондук соттун төрагасына байланыштуу төрт кылмыш иши козголгондугун кабарлаган. Башкы прокуратуранын маалыматына караганда кылмыш иштери боюнча тергөө уланууда. (BuS)
