БЭКтин бюрсу бүгүнкү отурумунда 17-мартка белгиленген Элдик курултайды уюштурууну талкуулап, кыймылдын мүчөлөрүнө жер-жерлерде түшүндүрүү иштерин жүргүзүүнү тапшырды. Ошондой эле оппозициялык кыймылдын бюросу күн тартибине коюлуп жаткан тарифтерди кымбаттатууга, Конституцияны өзгөртүүгө, мамлекеттик менчикти сатууга, саясий куугунтуктарга байланышкан маселелерди дагы бир ирет талкуулап, бул төрт маселени тең мыйзам чегинде кайра калыбына келтирүүнү президенттен талап кылууну чечти. Талаптарга жоопту президент Курманбек Бакиев Ынтымак курултайынын трибунасында жооп берсин деп эсептеди БЭКтин бюросу. Ынтымак курултайы 23-мартта президент Курманбек Бакиевдин катышуусунда өтмөкчү. (BuS)
