Бул тууралуу СДП фракциясынын лидери Роза Отунбаева бүгүн парламент отурумунда билдирди. Ал президенттин кийлигишүүсү менен шалаакылык үчүн кызматынан алынган Москва райондук ички иштер бөлүмүнүн мурдагы жетекчиси Жеңиш Жоробековдун Тогуз-Торо районунун милиция бөлүмүнүн жетекчиси болуп дайындалганына макул эместигин билдирди. СДПнын лидери Роза Отунбаева “Президент менен премьер-министрдин бийлиги таасир бербей эле, гезиттер сурамжылоо жүргүзүп биринчи орунга Жаныш Бакиевди чыгаргандай, азыр бийликти президенттин бир тууганы Жаныш Бакиев жүргүзүп калган окшойт”, - деди. (AJ)
