Бул туурасында “ЭрК” партиясынын төрагасынын биринчи орун басары Юруслан Истанов “Азаттыкка” маалымдады. Анын айтымында “өлкөдө саясий кырдаал курчуп, элдин бийликке нааразылыгы күч болуп жатат”. Андыктан партиянын саясий кеңеши кийинки аптада чогулуп, соңку кырдаал боюнча жыйын курат. Жыйында президенттин Баш мыйзамга өзгөртүү киргизүү демилгеси, мурдагы коргоо министри Исмаил Исаковдун камакка алынышы, төлөлөмдөрдүн кымбатташы боюнча маселелер талкууланат. Партия Ынтымак Курултайына катышпай тургандыгын алдын ала маалымдап, БЭК уюштуруп жаткан Элдик Курултайга катышар-катышпасын жакынкы күндөрү ачыктаарын билдирет. (EK)
