Коомдук парламент Конституциялык реформаны талкуулайт

Коомдук парламенттин 3-мартка белгиленген жыйынында эки маселе каралат. Биринчиси, Конституциялык реформа, экинчиси - президент Курманбек Бакиев чакырган Ынтымак курултайы жана Бириккен элдик кыймыл (БЭК) уюшутуруп жаткан Элдик курултайга байланыштуу талкуулар. Бул тууралуу “Азаттыкка” Коомдук парламенттин төрага орун басары Асия Сасыкбаева кабарлады. “Президент демилге көтөрүп жаткан Констиуциялык өзгөртүүлөрдүн канчалык денгээлде зарылчылыгы бар, ал канчалык мыйзамга туура келет ошолорду талкуулайбыз”, - дейт А.Сасыкбаева. Жыйынга коомдук ишмерлер, бейөкмөт уюмдун өкүлдөрү катышат.

Ынтымак курултайы 23-мартка, БЭК уюштуруп жаткан Элдик курултай 17-мартка белгиленген. (КЕ)