Учурда Алайдын борбору Гүлчө кыштагында өтүп жаткан митингге “Ата мекен” партиясынын Ош облустук төрагасы Бактыбек Калмаматов, партиянын саясий кеңешинин мүчөсү Төлөгөн Келдибаев жана “Эрк” партиясынын түштүк аймагы боюнча мурдагы координатору Юруслан Истановдор кошулду. Митинг уюштуруучуларынын айтымында, бүгүн миңге чукул адам топтолду. Ал эми райондук милициянын жетекчиси Равшан Сыргаевдин “Азаттыкка” билдиришинче, нааразылык иш-чарасына болгону 200дөй адам чогулган жана эч кандай мыйзам бузуу болгон жок. (JAk)
