Шанхайда өтчү бүткүл дүйнөлүк ЭКСПО-2010 көргөзмөсүнө кыргызстандык сүрөтчүлөрдүн эмгектери да коюлмакчы. Бул тууралуу бүгүн маалымат жыйынында "Кыргыз экспозициясынын" директору Темирбек Эркинов кабарлады. Анын айтымында, бардык эмгектер Мамлекеттик маданият агенттиги тарабынан тандалып алынган. Көргөзмөгө Кыргызстанды тааныткан, салт-санаасын чагылдырган 22 сүрөт катышмакчы. ЭКСПО-2010 ушул жылдын 1-майынан 31-октябрына чейин болот. (КЕ)
