Ишембиде Ооганстандын түштүгүндөгү Кандагар шаарында бир топ жардыруулардан 35 адам набыт болгон, 57 киши жаракат алган. Талиптер ал жердеги түрмөдөгүлөрдү бошотууну ниет кылышкан экен. Бирок ал максаты ишке ашпай калган эле. Жекшембиде ушул эле шаарда дагы бир жардыруу болду. Бир адам мүрт кетти, алтоо жарадар болду. Талиптердин өкүлү “Аймакта чет-өлкөлүк аскерлер көбөйгөнүнө карабай, талиптер дале чабуулдарды жасай алышаарын көрсөтүштү” деди.
