Иран оппозициясынын ана башы Мир Хусейн Мусави Ноорузга жарыша анти-өкмөттүк жүрүштөрдү күчөйтүүгө чакырды. Нооруз Иранда ишембинин түнү башталат. Мусави өз сайтындагы кайрылууда:”Быйылкы жаңы жыл өжөрлүктүн жана каршылык көрсөтүүнүн жылы” деп белгиленет. Мусави жана башка оппозиция лидерлери былтыр июндагы шайлоодо добуштар уурдалганын айтышып, Ахмадинежадды президент деп тааныбай жатышат. Шайлоодон соңку нааразылык акцияларынын миңдеген катышуучулары камакка алынып, 100дөн ашуун адам дале абакта отурат.