“Ар-Намыс” партиясынын мүчөсү Бөдөш Мамырова Ынтымак курултайында сүйлөгөн сөзүндө Бишкекте “Ак шумкар” партиясынын мүчөлөрү, Ошто нааразылык митингине чыккан элди милиция күч менен кармап кеткенин жарыя кылды. Ал Ынтымак курултайынын төрагасы азыр эле “кармалгандар бошотулду” деп айткан маалыматын жокко чыгарып, “Ак шумкардын” мүчөлөрү Биринчи Май райондук сотунда, аларга тилектеш чыккан адамдар Ленин райондук сотунда соттолуп жатканын билдирди.(ZKo)
