Түндүк Кореядагы мамлекеттик маалымат агенттиги өкмөттүн аты аталбаган адамына шилтеме жасап, бул тууралуу бүгүн кабарлады. Анда айтылгандай, АКШ менен Түштүк Корея Пхеньяндагы азыркы режимди алмаштырууга далалат кылып жатышканы үчүн "буга чейин болуп көрбөгөн деңгээлдеги" атомдук чабуулга кабылышы мүмкүн. Пхеньян негизи бул өңдүү коркутууларды буга чейин деле айтып келген. АКШ, Түштүк Корея, Кытай, Жапония жана Орусия Түндүк Кореяны анын өзөктүк программасы боюнча сүйлөшүүлөргө кайтууга үндөп келатышат. Сүйлөшүүлөр былтыр токтоп калган.
