Ооганстандагы НАТО жетектеген көп улуттуу күчтөр өткөн жума күнү өлкөнүн түштүк-чыгыш тарабында атайын рейд маалында беш киши, алардын ичинде 3 аял каза тапканын ырастады. Пактиа провинциясынын Гардез районунда НАТОнун аскерлери козголоңчулар бар деп кирип барган үйдө куралчан эки эркек жана ал жердеги 3 аял өлтүрүлгөн, кийин алар козголоңчулар эмес экени такталган.
