Бул жөнүндө «Азаттыкка» «Ата Мекен» партиясынын координатору Бакыт Калмаматов билдирди. Элдик курултайды уюштуруу комитетинин төрагасы Дүйшөн Чотонов өзү «Азаттыктын» кабарчысына телефондон бул маалыматты ырастап, улуттук коопсуздук кызматынын Ош областтык башкармасында сурак берип жатканын билдирди. Ага элдик курултайды уюштуруунун чоо жайы жана Болот Шерниязов жөнүндө суроолор берилүүдө. Улуттук коопсуздук кызматынын облустагы өкүлдөрү оппозициялык ишмерди кармоо фактысы жөнүндө маалымат берүүдөн баш тартышты. (Ato)
