Бул тууралуу “Азаттыкка” Талас облусундагы Ички иштер бөлүмүнүн жооптуу кызматкери Жолдош Кыязов билдирди. Анын айтымында, азыр ооруканага ар кандй жараат менен 48 киши түштү. Алардын 35и ички иштер органдарынын кызматкерлери, калгандары бей-жай тургундар. Маалыматка караганда карапайым эл арасында түндө Таластагы тополоңдо жарадар болуп бирок ооруканага кайрылбагандар көп. Кабарчыбыздын айтымында азыр Талас облустук акимчиликтин алдында кайрадан эл чогула баштады. Түндө нааразылык акцияга чыккан эл менен Бишкектен барган атайын даярдыктагы жоокерлер кагылышып, эл кууп таратылды. (EBM)
