Республикалык кан борборуна түнкү тополоңдо жабыр тарткандарга кан берүүнү каалагандар көп келүүдө. Борбор түнү бою иштеп, учурда да тынымсыз кан алуунун үстүндө. Аталган борбордун Кан даярдоо бөлүмүнүн башчысы Сабирова Лязаттын “Азаттыкка” берген маалыматына караганда кечээ түнү менен 130 адам, таңдан бери 150 адам кан тапшырды. Учурда Кан борборунун имаратында кеминде жүз адам, имарат сыртында 200гө жакын адам өз кезектерин күтүшүүдө. Кан тапшырууга келген элдин санын көптүгүнөн борбордо кан алуучу кызматкерлер жетишпей жатат. (AiJu)
