Вице-спикер Кубанычбек Исабеков массалык маалымат каражаттары аркылуу президент Курманбек Бакиевге кайрылып, аны президенттик милдетти тапшырып берүүгө өтүндү. Анын президентке жазган кайрылуусунда “өлкөдөгү абалды эске алып, биримдикти сактоо максатында Курманбек Бакиев убактылуу өкмөттүн өтүнүчүн кабыл алышы зарыл. Ошол себептүү К.Бакиев өз каалоосу менен президенттик кызматын тапшырып бериши керек” деп жазылган. Ошондой эле ал бардык маселелер укуктук деңгээлде, мыйзамдын чегинде чечилиши зарылдыгын белгилеген. (КЕ)
