Бул маалыматты бүгүн АКШнын Кыргызстандагы элчилигинин басма сөз кызматы таратты. Анда АКШ кыргыз элинин келечеги үчүн, өлкөнүн экономикалык жана демократиялык өнүгүүсү үчүн колдоосун уланта турганын белгилеген. “Биз Кыргызстанга гуманитардык жардам берүү сунушун билдиргенбиз. Учурда Манас транзиттик аэропорт аркылуу медициналык жардам жибере баштадык” деп жазылат билдирүүдө. Ошондой эле АКШ тараптарды зордук-зомбулуктан карманып, Кыргызстанды демократиялык жол менен өнүгүүгө чакырат. (КЕ)
