Кипр аралынын түрк бөлүгүндөгү президенттик шайлоону улутчул Дервиш Эроглу жеңди. Ал аймактын көз карандысыздыгын колдогондордун бири. Азыркы президент Мехмет Али Талатка атаандаш болуп чыккан Эроглу кипрлик гректер менен сүйлөшүүлөр улантылат деп ишендирди. Аралдын грек бөлүгүнүн өкмөтү анын жеңишин “терс көрүнүш” катары сыпаттады. Түрк өкмөт башчысы Режеп Таип Эрдоган Анкара Кипр проблемасы жыл аягына чейин тынч жол менен чечилет деген үмүтүн билдирди.
