Ички иштер министринин милдетин аткаруучу Болот Шерниязов ден-соолугуна байланыштуу дарыланууга чыкты. Бул тууралуу “Азаттыкка” Убактылуу өкмөттөн ишенимдүү булактар кабарлады. ИИМдин басма сөз кызматынын милдетин аткаруучу Рахматулло Ахмедов да бул маалыматты тастыктап, Б.Шерниязовдун дарыланып жатканын айтты. Убактылуу өкмөттөн кабарлашкандай анын ордунда Ички иштер министрлигин убактылуу министрдин биринчи орун басары Бакыт Алымбеков жетектеп жатат. (КЕ)
