Бул тууралуу АКШнын Мамлекеттик катчысы Хиллари Клинтон ушу күндөрү НАТОнун тышкы иштер министрлеринин Эстонияда өтүп жаткан саммитинде айтты. Саммитте өзөктүк куралсыздандыруу жана ракетадан коргонуу системасы талкууга алынууда. Жакында Орусия менен АКШ ядролук куралдардын санын кыскартуу келишимине жетишкен болчу. Клинтон айым стратегиялык куралдарды кыскратуу боюнча баардык аракеттер НАТОнун көзөмөлү астында жана Москва менен макулдашуунун негизинде гана жүргүзүлөт, деп айтты.
