Дүйнөлүк банк Кытайдын дүйнөлүк экономикада мааниси өскөнүн тааныды жана эл аралык уюмдагы Кытайдын үлүшүн (квотасын) 2,77ден 4,42ге чейин жогорулатты. Ошентип, Кытай өз үлүшү боюнча Дүйнөлүк банкта Германия, Франция жана Британиядан алдыга чыкты. Бирок АКШ жана Япониядан артта. Бул Дүйнөлүк банктын чечим кабыл алуусунда Кытайдын ролу мурдакыдан өскөнүн билдирет.
Кытай, Бразиялия, Индия жана Россия узактан бери Дүйнөлүк банкта АКШ жана Европа өлкөлөрү үстөмдүк кылат деп доомат кылып жүрүшкөн.
