Армян чиркөөсүнүн башчысы, католикос Гарегин II бүгүн Азербайжанга тарыхый визит менен барат. Дүйнө армяндарынын католикосу Бакуда Дүйнө диндеринин башчыларынын жыйынына катышат. Гарегин экинчинин басма сөз кызматынын маалымдашынча, католикосту жыйынга Азербайжан мусулмандарынын узак жылдардан берки муфтийи, Шейх ул-Ислам Аллашүкүр Пашазаде жана Орус ортодокс чиркөөсүнүн патриархы Кирилл чакырган.
Бакудагы жыйынга дүйнөнүн чар тарабынан 150дөн ашуун диний жетекчилер катышат.
