Ооган президенти Хамид Карзай менен Индия премьер- министри Манмохан Сингх бүгүнкү сүйлөшүүлөрү учурунда согушкерлердин аймактык стабилдүүлүккө коркунуч келтирген аракеттерине каршы чара көрүлөрүн эскертишти. Индия учурда Ооганстандагы кайра куруу иштерине жигердүү катышууда жана 2001-жылы Талибан режими бийликтен кулатылгандан бери Кабулга 1 миллиард доллардан ашуун жардам көргөзгөн. Нью- Делидеги бүгүнкү сүйлөшүү Кабулда жанкечтинин чабуулунан тогуз индиялык каза тапкандан эки айдан соң болду. Индия тарап бул кол салуу үчүн согушкерлердин Пакистанда жайгашкан Лашкар –е- Тайба тобун айыптаган.