Россиянын Кара деңиз флотунун Крымды пайдалануусун 25 жылга узартуу жөнүндөгү келишимди ратификациялоо учурунда Украин парламентинде болгон башаламандыкты прокурорлук иликтейт. Оппозионерлер кечээки добуш берүү алдында парламент төрагасы Владимир Литвинди жумуртка менен уруп, түтүн чыгарчу граната жардырышты. Тополоңго карабай, президент Виктор Янукович тарабындагы коалиция келишимди бекитти. Удаа эле Россиянын Мамдумасы да келишимди ратификациялады. Севастополь портун пайдалануу боюнча мурдакы келишимдин мөөнөтү 2017-жылы бүтмөк.
