АКШ Мамкатчысы Хиллари Клинтон Ирактын саясый партияларын өз ара келишпестикти унутуп, тезинен жаңы өкмөттү түзүүгө үндөдү. Клинтон айым ошондой эле саясатчыларды Ирак элинин 7-марттагы шайлоодо добуш берип билдирген эркин сыйлоого чакырып, “жаңы, күчтүү өкмөттү түзүү эгемен жана демократиялуу Ирактын кызыкчылыгына” ылайыктуу деди.
Билдирүү парламенттик шайлоодо уткан эки талапкердин жеңиши жокко чыгарылып, Багдаддын айрым бөлүгүндө добуштарды кайра шайлоо буйрулгандан соң жасалды.
