Бүгүн Брюселде Евробиримдиктин Үч илтиги жана Борбор Азиядагы мамлекеттердин Тышкы иштер министрлеринин жылдык жолугушуусу болот. Анда Борбор Азия үчүн Евробиримдиктин стратегиясын ишке ашыруу, соода-экономикалык тармак боюнча аймактык кызматташтык, миграция, энергетика жана экология, эл аралык актуалдуу көйгөйлөр талкууланат. Ага Кыргызстандан тышкы иштер министринин милдетин аткаруучу Руслан Казакбаев баштаган делегация катышат. Бул тууралуу ТИМдин басма сөз кызматынан билдиришти. Маалыматка караганда жыйында Казакбаев өлкөдөгү саясий-экономикалык абал, Убактылуу өкмөттүн алдыдагы иш планы, элдик талкууга коюлган Конституциянын жаңы долбоору тууралуу доклад жасайт. (AJ)
