Британ тарап бүгүнтөн тарта аба мейкиндигин Шотландия менен Түндүк Ирландиянын айрым бөлүктөрүндө жапты. Ал эми Ирландия кечээ эле киргизилген чектөөлөр бүгүн да улантыларын билдирди. Эки өлкөнүн авиациялык бийликтери аба мейкиндигинин айрым бөлүктөрүн жабууга Исландиядагы жанар тоонун күлдүү булуту туудурган коркунучтан улам барышты. Анткени абада күлдүн көп болушу учактардын кыймылдаткычына зыян келтирүүсү мүмкүн. Исландиядагы жанар тоонун күлү өткөн айда бүткүл Европанын аба мейкиндигинин алты күнгө жабылуусуна алып барган.
