5-майда Нарын мамлекеттик администрациясынын жыйындар залында Конституциянын жаңы варианты талкууланып, ага Конституциялык кеңештин мүчөсү Чолпонкул Арабаев катышты. Талкууга катышкандардын айрымдары президент бир мөөнөткө шайланышы керектиги, парламенттик шайлоого бир мандаттан да орун зарылдыгы, анткени партияга кирбеген адамдардын укуктары бузулаары айтылды. Арабаев айтылган сунуштарга көнүл бурулаарын билдирди. Нарын шаардык мэриясынын китепканада өткөргөн талкуусуна Кыргыз Каганатынын Баш мыйзамы деген варианты менен келген аскер ардагер Төлөгөн Арыкбаев “Конституцияны талкулоо коммунисттик ыкмада өтүүдө” деген пикирин билдирди.
