Аталган кеңешме кечээ төрт топко бөлүнүп алып Баш мыйзамга киргизилүүчү өзгөртүүлөрдү, сунуштарды талдады. Мурда маалымдалгандай, убактылуу өкмөт башчынын орун басары Өмүрбек Текебаев баштаган жумушчу топ иштеп чыккан конституция 26-апрелде талкууга коюлган. Ө. Текебаев мындан башка азыр жыйырмадан ашык долбоор бар экенин, дагы көптөгөн сунуштар түшүп жатканын айткан. Конституциялык кеңешме баарын системалаштырып эске аларын баса белгилеген. Баш мыйзамдын долбоору боюнча сунуштар 14-майга чейин кабыл алат. Конституциялык кеңешме долбоордун соңку вариантын 19-майда жарыяламакчы. (EBM)
