Бул тууралуу Кыргызстандагы нефтетрейдерлер ассоциациясынын башчысы Базарбай Мамбетов “Азаттыкка” билдирди. Маалыматка караганда 9-майда Москвада Орусия президенти Дмитрий Медведев Убактылуу өкмөттүн төрайымы Роза Отунбаева менен жолугушуусунда Кыргызстанга 25 миң тонна күйүүчү май жана 2,5 мин тонна эгиндин үрөнү жакын арада жөнөтүлөрүн билдирген. Базарбай Мамбетов ошондой эле Казакстан Кыргызстанга гуманитардык жардам катары берген 3700 тонна күйүүчү май толугу менен ташылып келинип, дыйкандарга бир литрин 24 сомдон таратылганын кошумчалады. (AJ)
